شويه اسئله متعلقه بالزوايا والترصيص والاجابه عنها

1-عندك رعشه فى الطاره والدواسه
اسباب الرعشه
* الكاوتش محتاج ترصيص
* فيه ماده لحام سائل داخل الكاوتش
* الكاوتش ضارب سلك من الداخل
* الصره بينها وبين الجنط فراغ بتعمل بيضاوى مع السرعه وبالتالى بتعمل رعشه
* الكوبلن ملووح محتاج تغيير.
* الجنط ملووح محتاج إستعدال
* بارات الاسكترا فيها بوش
* ديسك الفرامل لو فيه عالى وواطى هتحس بالرعشه مع الفرمله.
👌👌
2-عندك حدفه فى الطاره العربيه بتسرح

* محتاج ضبط زوايا 
 * فرده كاوتش مريحه
* ارتفاع العربيه غير متساوى ( جنب اعلى من التانى )
* زاويه التقديم والتأخير ( الكاستر )غير مضبوطه
* زاويه ميل العجل على الارض ( الكامبر ) فيه زاويه اكبر من الاخرى
* التيل قافش
* وصلات خراطيم البور مسدوده ( الضغط هيبقى فى اتجاه واحد )
* فيه سوسته فى المساعد ضعيفه
* نقشه الكاوتش متاكله فى ناحيه
 👌👌👌
3-الطاره  تقيله فى الحركه

* زاويه الكاستر زاويه تقديم وتأخير العجل بالموجب اكتر من المسموح اوبالسالب اكتر من المسموح العربيه مقدمه او مأخره جامد
* البور فاصل
* الاسكترا مقفول عليها
* بيض المقصات قافش
* بيض التيش قافش
* الكاوتش مريح
👌👌👌👌
 4-العربيه بتاكل كاوتش

* زاويه التو ان بالموجب او بالسالب العجل قافل او فاتح
* زاويه ميل العجل على الارض (الكامبر) بالموجب او بالسالب عن المسموح
* المساعدين خفيفه
* جلب المقصات متآكله
* البطاحه بايظه
* المساعد ملووح العربيه واخده مطب
👌👌👌👌👌
5-العربيه بتعوم فى السرعه ومطب الهوا

* نقشه الكاوتش ممسوحه
* المساعدين خفيفه
* بارات الاسكترا فيها بوش
* جلب المقصات متاكله
* بيض التيش مبوش
* ارتفاع العربيه اعلى من المسموح والعربيه هتعبى هوا
* زاويه التو ان  بالموجب اوسالب اكتر من المسموح.

منقول للإفادة🎞️🎞️🎞️🎞️

#ممدوح_بتاع_الزاويا